Theódór Sigurbjörnsson orðin markahæsti leikmaður ÍBV frá upphafi!

Það má segja að það gangi mikið á hjá Tedda okkar þessa dagana. Á laugardaginn eignuðust þau skötuhjú, Teddi og Linda, sitt fyrsta barn. Myndarpeyji sem hafði látið bíða eftir sér í nokkra daga.

Eftir fæðingu var að sjálfsögðu haldið heim til Eyja þar sem Teddi spilaði gegn Haukum í gær. Þar gerði hann sér lítið fyrir og skoraði 6 mörk. Síðasta mark hans í gær var þó heldur betur sögulegt. Þetta var mark hans númer 1031 fyrir félagið sem gerir hann að markahæsta leikmanni ÍBV frá upphafi. En hann tók framúr þjálfara sínum Sigurði Bragasyni með þessum mörkum. 
Það sem er ekki síður merkilegt er að hann hefur skorað þessi mörk í 183 leikjum sem gera 5,6 mörk að meðaltali í leik.