Handbolti - Góður sigur á Aftureldingu
28.nóv.2009 15:20
Afturelding tapaði sínum fyrsta leik í vetur í dag þegar þeir komu til Vestmannaeyja. ÍBV-liðið mætti hungrað í sigur eftir að hafa tapað tveimur síðustu leikjum naumt. Afturelding var þó yfir í hálfleik og geta þakkað það markverði sínum Smára Guðfinnssyni, sem var þeirra besti maður.
ÍBV fór ílla með dauðafærin í leiknum, en vörnin var góð. Svavar hvíldi Arnar í sókninni á kafla og lét Grétar leika fyrir utan. Að þessu sinni köstuðu Eyjapeyjar ekki frá sér sigrinum, héldu út allan leikinn og stóðu uppi með þriggja marka sigur 29-26. Leifur átti góðan leik og skoraði 9 mörk.
Strax eftir leikinn fóru ÍBV-strákarnir að landa upp úr Huginn Ve. Þeir gera það til fjáröflunar. Mjög duglegir strákar, sem örugglega eru syngjandi glaðir í lestinni....Aaaa...dúrýdara...dúrýdara....dúrý.....DEI!
Mörk ÍBV
| Leifur | 9 |
| Sigurður | 6 |
| Vignir | 5 |
| Arnar | 3 |
| Ingólfur | 3 |
| Grétar | 1 |
| Bragi | 1 |
| Sindri H | 1 |
