Handbolti - Öruggur ÍBV sigur
24.okt.2009 15:39
ÍBV-strákarnir léku í dag gegn Fjölni í Grafarvogi og unnu sannfærandi sigur 26-40.
"Þetta var strögl fyrstu 10 mínúturnar og Fjölnir var með tveggja marka forskot um tíma, en svo hristum við þá af okkur."sagði Jói Grettis fararstjóri.
Staðan í hálfleik var 11-23 ÍBV í vil og endaði eins og áður sagði með 14 marka sigri.
Allir leikmenn ÍBV spiluðu með í leiknum og var Anton Örn Björnsson að leika sinn fyrsta leik og gerði 2 mörk. Óttar Steingrímsson lék vel og gerði 3 mörk, en það var liðsheildin sem skóp sigurinn eins og í ÍR-leiknum. Leikurinn var ákaflega prúðmannlega leikinn, aðeins ein brottvísun sem Fjölnismenn fengu. Engin leikmaður ÍBV var rekin af velli og aðeins fengu tveir þeirra áminningu. ÍBV er þar með komið í 2.sæti deildarinnar.
Mörk ÍBV:
| Sigurður | 9 |
| Grétar | 5 |
| Arnar | 5 |
| Ingólfur | 5 |
| Leifur | 4 |
| Davíð | 4 |
| Óttar | 3 |
| Anton | 2 |
| Bragi | 1 |
| Sindri Ó | 1 |
| Pálmi | 1 |
