Lokahóf knattspyrndeildarinnar fór fram sl. laugardag í Akóges, þar var mikið um dýrðir og einstaklega góð stemmning þar sem flokkarnir komu með skemmtiatriði og Einsi Kaldi sá um matinn. Að öðrum ólöstuðum þá átti Elías Árni Jónsson styrktarþjálfari atriði kvöldsins þar sem hann sýndi frábæra takta á gítarnum og tók lagið ásamt leikmönnum meistaraflokks karla.

Stelpurnar kláruðu sína leiki 7. september og enduðu í 6. sæti Lengjudeildarinnar, hópurinn er ungur og efnilegur og verður gaman að fylgjast með þeim á næstu árum. Strákarnir kláruðu sína leiki viku seinna, 14. september, þar sem þeir tryggðu sér efsta sætið í Lengjudeildinni og í leiðinni sæti í Bestu deildinni að ári, frábær árangur og verður gaman að fylgjast með þeim meðal þeirra bestu næsta sumar.

2. flokkur kvenna var í samstarfi með Grindavík í sumar og sendum við inn sameiginlegt lið í Íslandsmótið, þær eru búnar að standa sig mjög vel og munu spila í undanúrslitum B-deildar á laugardag kl. 13.00 á Hásteinsvelli um það að komast upp í A-deildina, ef þær vinna þann leik þá er úrslitaleikur á sunnudag.

Þrír leikmenn voru heiðraðir, en þær hafa allar tekið ákvörðun um að leggja skónna á hilluna, þær Júlíana Sveinsdóttir, Kristín Erna Sigurlásdóttir og Sigríður Lára Garðarsdóttir, og svo voru eftirtaldar viðurkenningar veittar til efstu flokka félagsins.

Meistaraflokkur kvenna:

Besti leikmaðurinn: Natalie Viggiano

ÍBV-ari: Selma Björt Sigursveinsdóttir

Markahæsti leikmaðurinn: Olga Sevcova

Efnilegasti leikmaðurinn: Helena Hekla Hlynsdóttir

Meistaraflokkur karla:

Besti leikmaðurinn: Vicente Valor

ÍBV-ari: Tómas Bent Magnússon

Markahæsti leikmaðurinn: Oliver Heiðarsson

Efnilegasti leikmaðurinn: Viggó Valgeirsson

2. flokkur kvenna:

Besti leikmaðurinn: Embla Harðardóttir

ÍBV-ari: Bertha Sigursteinsdóttir