Baráttuglaðir Þórsarar ætla að mæta til Eyja á sunnudaginn til að ná sínum þriðja sigri á ÍBV í sumar. Eyjamenn ætla þó að standa saman og sjá til þess að svo verði ekki.

 Tryggvi Guðmundsson og Finnur Ólafsson eru í leikbanni, auk þess sem Denis Sytnik er meiddur.

 Það mun því ekki veita af því að strákarnir snúi bökum saman og stuðningsmenn breyti sér í 12 manninn!

 Þórsarar og Mjölnismenn þeirra munu væntanlega selja sig dýrt þar sem þeirra helsta ósk er að KR verði Íslandsmeistari í ár!

 Stuðningsmenn ÍBV ætla að sjá til þess að verja Hásteinsvöll gegn  slíkum óskum.

Þú getur því verið 12 maðurinn á sunnudaginn með því að mæta á völlinn!

Leikurinn hefst kl. 1600 á Hásteinsvelli.

ÁFRAM ÍBV!!