IBV stúlkurnar léku í Grindavík í gær gegn heimastúlkum. IBV byrjaði leikinn af miklum krafti og uppskar mark eftir 15.mínútur.  Berglind Björg skoraði þá eftir glæsilegan einleik.  Á 30.mínútu bætti Danka svo við stórglæsilegu marki beint úr aukaspyrnu.  Vesna skoraði svo 3.mark IBV með góðu skoti úr teignum sem markvörður Grindavíkur varði en missti boltann inn.  Staðan í hálfleik var 3-0.  Í seinni hálfleik slökuðu okkar stúlkur full mikið á en náðu samt að skora þegar Berglind bætti sínu öðru marki við eftir fyrirgjöf Elínborgar.  Góður 4-0 sigur í höfn.

Næsti leikur hjá stúlkunum er á laugardag er við tökum á móti Fylki á Hásteinsvelli kl. 14.00

Við hvetjum alla til að koma á völlinn og hvetja stúlkurnar til sigurs.

 

ÁFRAM IBV.