Fótbolti - ÍBV - Víkingur
27.maí.2011 12:52
Eftir skyldusigur í bikarnum koma Víkingar í heimsókn á sunnudaginn. Víkingar hafa komið aðeins á óvart í fyrstu 5 leikjum deildarinnar, en síðust tveir leikir Víkings hafa endað með jafntefli. Þeir voru óheppnir að vinna ekki FH í Kaplakrika en gerðu svo jafntefli geng Grindavík í Víkinni.
Það má búast við skipulögðum Víkingum á Hásteinsvelli þannig að þetta verður hörkuleikur þar sem okkar menn þurfa að eiga góðan leik til að fá eitthvað út úr þessum slag.
Fyrir leik mætir kór Flensborgarskóla og syngur nokkra fallega tóna og er tilvalið að mæta aðeins fyrr í þetta skiptið þar sem þetta er gríðarlega hæfileikaríkur kór. Söngurinn byrjar 15:40, aðeins 20 mín fyrir leikinn.
Leikurinn sjálfur byrjar 16:00 og er veðurspáin ljómandi góð þannig vonandi geta flestir séð sér fært á að mæta og hvetja strákana, þar sem það eru 3 stig í boði.
