Fótbolti - Í kvöld er það Keflavík
22.maí.2011 10:40
-Strákarnir eiga harma að hefna
Í kvöld klukkan 20 mætir ÍBV liði Keflavíkur í Pepsídeild karla. ÍBV lék við Keflavík á sama stað í síðustu umferð í fyrra og tapaði þá 4-1 og missti af titlinum. Nú á að snúa taflinu við og sækja þrjú stig í bítlabæinn. Liðsfrétta er ekki að vænta fyrr en skömmu fyrir leik og munum við greina frá því hér þá. Þó má búast við því að Tryggvi Guðmundsson komi aftur í liðið eftir að hafa tekið út leikbann. Einnig verður fróðlegt að sjá hvort að Finnur Ólafs og Ian Jeffs verði tilbúnir en þeir hafa átt við meiðsli að stríða.
Við hvetjum alla stuðningsmenn ÍBV sem hafa tök á að mæta til Keflavíkur í kvöld og styðja strákana til sigurs. Fyrir þá sem að ekki komast á völlinn í kvöld má benda á að leikurinn verður sýndur beint á Stöð 2 sport.
