Fótbolti - Meistaraflokkur kvenna Lengjubikarmeistarar
01.maí.2011 12:36
Gerðu jafntefli við Þrótt í síðasta leiknum
Meistaraflokkur kvenna lék í gær sinn síðasta leik í B-riðli lengjubikarsins. Leikið var gegn Þrótti R. og var leikið á Þróttaravellinum í Laugardalnum í snjókomu. Leikurinn endaði 2-2. Það voru þær Kristín Erna Sigurlásdóttir og Berglind Björg Þorvaldsdóttir sem skoruðu mörk ÍBV í leiknum. Fyrir leikinn voru stúlkurnar þegar búnar að tryggja sér bikarinn. Við óskum þeim til hamingju með þennan fyrsta bikar ársins og vonandi eiga fleiri eftir að bætast við áður en árið er allt.
Það var fyrirliði liðsins, Þórhildur Ólafsdóttir sem tók við bikarnum í leikslok.
