Fótbolti - Unglingadómaranámskeið í Vestmannaeyjum föstudaginn 18. mars
15.mar.2011 09:04
Verður haldið í Framhaldsskólanum kl. 12:15
Námskeiðið er haldið af KSÍ í samvinnu við Framhaldsskólann í Vestmannaeyjum og ÍBV föstudaginn 18. mars og hefst kl. 12:15 í Framhaldsskólanum. Námskeiðið stendur í um tvær og hálfa klukkustund.
Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi kl. 12:15 föstudaginn 25. mars.
Námskeiðið er ókeypis.
Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.
Skráning er hafin á magnus@ksi.is
Allir sem náð hafa 15 ára aldri eru velkomnir á námskeiðið.
Athugið að þetta verður eina unglingadómaranámskeiðið í Vestmannaeyjum í ár.
Tekið af vef KSÍ.
