Fótbolti - Strákarnir í ÍBV fóru í bátsferð og grilluðu með fjölskyldunni
15.júl.2010 20:52
Liðsmenn ÍBV gerðu sér glaðan dag í gær og skelltu sér með PH Viking í bátsferð og tóku með sér konurnar og börnin. Bátsferðin vakti mikla lukku og þá helst hjá erlendu leikmönnunum, enda mikið sjónarspil að sjá Vestmannaeyjaklasann í þessu frábæara veðri sem var í dag. Þegar í land var komið var haldið í svo kallaða Hrafnakletta fyrir ofan Helgafellsvöll þar sem liðið stillti sér upp fyrir liðsmynd sem má sjá í myndaalbúmi með frétt.
Knattspyrnuráð og þjálfarinn Heimir grilluðu svo ofan í mannskapinn og fóru allir heim sælir og glaðir eftir skemmtilegan dag með liðinu og fjölskyldum sínum.
Leikmennirnir fara nú að undirbúa sig undir komandi leik á laugardaginn gegn Fram. Leikurinn fer fram á Hásteinsvellinum klukkan 14.00 og nú þurfa strákarnir áframhaldandi stuðningi á að halda en liðið í harðri toppbaráttu þegar tímabilið er hálfnað.
