Fótbolti - Guðjón Ólafsson skrifar undir nýjan samning
22.mar.2010 15:25
Miðjumaðurinn knái, Guðjón Ólafsson hefur skrifað undir nýjan tveggja ára samning við ÍBV. Guðjón sem er 21 árs hefur verið viðloðandi meistaraflokk félagsins undanfarin ár en varð fyrir því óláni nokkrum dögum fyrir fyrsta leik í fyrra að meiðast illa og missa af öllu tímabilinu.
Hann lenti í ákveðnu bakslagi með sín meiðsli fyrr í vetur en vinnur hörðum höndum að því með sjúkraþjálfara að vera klár í slaginn í sumar. Guðjón hefur leikið átta leiki fyrir meistaraflokk félagsins.
