Það þarf ekki að fara mörgum orðum um hversu mikill liðstyrkur þetta er fyrir ÍBV enda Tryggvi hokinn af reynslu og einn besti leikmaður á Íslandsmótinu undanfarin ár.  Tryggvi hefur verið sigursæll á sínum ferli og fimm sinnum hampað Íslandsmeistaratitlinum, í fyrsta skipti með ÍBV 1997.  Tryggvi hefur ennfremur tvívegis orðið bikarmeistari.   Á sínum ferli með ÍBV hefur hann skorað 53 mörk í 86 leikjum.  Alls hefur hann skorað 107 mörk í efstu deild á Íslandi. 

Við viljum nota tækifærið og þakka FH fyrir fagleg og góð vinnubrögð í kringum félagaskiptin.  Kaupverð er trúnaðarmál.

Við bjóðum Tryggva velkominn heim.