Fótbolti - Búið að gera upp við leikmenn ÍBV 2009
22.okt.2009 13:26
Knattspyrnuráð ÍBV vinnur nú að því að loka fjárhagsárinu 2009 og gerum við okkur góðar vonir um að niðurstaðan verði réttu megin við núllið. Það sem er jákvæðast við fjárhagsstöðuna nú er að búið er að gera upp við leikmenn félagsins fyrir síðasta sumar. Nú getum við einbeitt okkur að því að styrkja liðið fyrir komandi átök sumarið 2010.
Knattspyrnuráð hefur lagt mikla áherslu á að geta staðið við skuldbindingar sínar gagnvart leikmönnum félagsins og fögnum því að það tókst. ÍBV á marga dygga stuðningsmenn sem leggja félaginu lið og sá stuðningur hefur haldist að mestu þrátt fyrir erfiða tíma í íslensku samfélagi. Fyrir það eru allir sem koma að félaginu þakklátir.
