Fótbolti - Ásgeir Aron til ÍBV
22.okt.2009 16:50Miðjumaðurinn Ásgeir Aron Ásgeirsson hefur skrifað undir samning við ÍBV. Ásgeir hefur mikla tengingu við Eyjar enda faðir hans, Ásgeir Sigurvinsson goðsögn í knattspyrnuheiminum og hjá stuðningsmönnum ÍBV.
Ásgeir Aron hefur spilað með Fjölni frá 2006 og leikið 85 leiki og skorað í þeim 5 mörk. Það er mikill fengur í Ásgeiri enda fjölhæfur strákur sem getur spilað bæði í vörn og á miðju vallarins. Við bjóðum Ásgeir Aron velkominn til ÍBV.
