Stuttu seinna átti Chris að fá vítaspyrnu þegar hann var felldur við það að komast einn í gegnum vörn gestanna.  Dómari leiksins var hins vegar á öðru máli og gaf Chris gult spjald fyrir leikaraskap. Algjörlega óskiljanleg ákvörðun.  1-0 í leikhléi og heimamenn byrjuðu af krafti seinni hálfleikinn og fengu nokkur færi til að skora annað markið. En gestirnir komust meira inn í leikinn og jöfnuðu um miðjan síðari hálfleik. Tíu mínútum fyrir leikslok komust gestirnir síðan yfir.  En frábær lokakafli Eyjaliðsins tryggði sætið í 16.liða úrslitum. Ingi Rafn Ingibergsson átti frábæra innkomu og hann jafnaði metin með skallamarki á 88.mínútu.  Flestir reiknuðu þá með framlengingu.  En þegar fjórar mínútur voru komnar fram yfir venjulegan leiktíma átti Andri Ólafsson frábæra sendingu inn fyrir vörn Víkinga, Viðar Örn var kominn einn í gegn en fyrrum leikmaður ÍBV, Chris Vorenkamp braut á honum og dómarinn dæmdi umsvifalaust vítaspyrnu og rak Vorenkamp af velli.   Viðar Örn fór ískaldur á vítapunktinn og skoraði, stönginn inn og var þetta síðasta spyrnan í leiknum.   Frábær sigur í erfiðum leik og Eyjaliðið verður því í pottinum þegar dregið verður í 16.liða úrslit á mánudaginn.

 

Liðið: Albert Sævarsson, Arnór Eyvar Ólafsson, Matt Garner, Eiður Aron Sigurbjörnsson (Tonny Majjewe), Þórarinn Ingi Valdimarsson, Augustine Nsumba (Ingi Rafn Ingibergsson), Yngvi Magnús Borgþórsson (Ajay Leight Smith) , Andri Ólafsson, Gauti Þorvarðarson, Viðar Örn Kjartansson.