Stelpurnar í 3. flokki léku tvo leiki í dag í úrslitum Íslandsmótsins í sjö manna liðum. Þær mættu Sindra frá Hornafirði kl 13:00 og fór leikurinn 4-4. Stelpurnar klúðruðu þar unnum leik í jafntefli og munaði minnstu að þær hefðu tapað leiknum. Þær komust í 3-0 og voru mun betri aðilinn en í síðari hálfleik hrundi leikur stelpnanna og Sindrastelpur gengu á lagið. Á örskömmum tíma snéru þær stöðunni sér í vil 3-4 og það var einungis rúmri mínútu fyrir leikslok að Eyjastelpur náðu að jafna eftir mistök hjá markverði Sindra. Lokastaðan 4-4 og gátu stelpurnar hreinlega þakkað fyrir stigið miðað við hvernig seinni hálfleikur spilaðist.

Stelpurnar voru staðráðnar að láta ekki slíka spilamennsku endurtaka sig og spýttu vel í lófana fyrir Stjörnuleikinn. Þær mættu ákveðnar til leiks og uppskáru glæsilegan og sanngjarnan sigur, 5-2.

Eftir fyrsta daginn er staðan þá þannig (stigin aftast):

1	ÍBV	2	1	1	0	9 - 6	+3		4
2	Sindri	2	1	1	0	5 - 4	+1		4
3	KS/Leiftur	2	1	0	1	3 - 1	+2		3
4	Stjarnan	2	1	0	1	5 - 6	-1		3
5	KA	2	0	0	2	1 - 6	-5		0

Á morgun eiga stelpurnar svo tvo leiki. Sá fyrri hefst kl 9:30 í fyrramálið gegn KS/Leiftri og síðan spila þær gegn KA kl. 11:50. Leikir morgundagsins fara fram á Þórsvelli.