Hermann Hreiðarsson þjálfari mfl. karla sl. 3 ár hefur ákveðið að láta af þjálfun hjá félaginu. Stjórn knattspyrnudeildar hefur átt gott samstarf með Hermanni undanfarin ár og var eindreginn vilji stjórnarinnar að halda því samstarfi áfram.  Breytingar eru hins vegar að verða á búsetu Hermanns og hans fjölskyldu og því hans mat að hann hafi ekki tök á að halda áfram sem þjálfari liðsins.

Stjórn knattspyrnudeildar þakkar Hermanni og hans fjölskyldu fyrir góða tíma í Eyjum undanfarin 3 ár og framlag hans nú sem áður til félagsins, og óskar Hermanni velfarnaðar í því starfi sem hann tekur að sér.

Stjórn Knattspyrnudeild ÍBV