Sísí Lára og Clara á æfingar hjá KSÍ
08.nóv.2018 14:34
Jón Þór Hauksson nýráðinn landsliðsþjálfari Íslands í knattspyrnu valdi Sigríði Láru Garðarsdóttur í æfingahóp sem kemur saman um helgina í Reykjavík. Þetta er fyrsti hópurinn sem Jón Þór velur og verður spennandi að sjá hvort Sísí Lára fái ekki fleiri tækifæri með A-landsliðinu.
Þá hefur Jörundur Áki Sveinsson valið æfingahóp sinn fyrir U-17 ára landsliðið og þar er Clara Sigurðardóttir á sínum stað en Clara hefur verið fastamaður í byrjunarliðinu undanfarið.
ÍBV óskar þessum frábæru ÍBV stelpum innilega til hamingju með þennan árangur
