Hádegisnámskeið
21.apr.2015 15:41Þjálfarar í yngri flokkum félagsins sátu áhugavert námskeið í hádeginu um ofbeldi í íþróttum. Hafdís Inga Hinriksdóttir hélt námskeiðið en hún skrifaði mastersritgerð sína um andlegt og kynferðislegt ofbeldi innan íþrótta.
Hún fór yfir eftirfarandi atriði.
· Auka meðvitund íþróttafélaga um að kynferðislegt ofbeldi getur átt sér stað á þeim vettvangi eins og öðrum
· Hvetja íþróttafélög til umræðna um hvernig hægt sé að fyrirbyggja kynferðisofbeldi
· Fræða þjálfara, stjórnendur og sjálfboðaliða um hvað átt sé við þegar talað er um kynferðislega misnotkun
· Fræða þjálfara, stjórnendur og sjálfboðaliða um þau lagaskilyrði sem gilda um kynferðisleg samskipti við börn.
Félagið hefur einnig unnið siðareglur fyrir ÍBV-ara og er hægt að nálgast þær hér en einnig liggja þær frammi í Axel Ó, Íþróttahúsinu og félagsheimili ÍBV.
