Í hádeginu í dag var dregið í 8.liða úrslitum Borgunarbikar kvenna.  Það er skemst frá því að segja að ÍBV fær heimaleik gegn Breiðablik og fer leikurinn fram föstudaginn 28.júní sem er föstudagur á Shellmóti. Í fyrra léku liðin einmitt þennan dag í sömu úrslitum leik sem lengi verður í minnum hafður.  Breiðablik leiddi 3-1 en ÍBV náði að jafna manni færri en tveir leikmenn ÍBV fengu að líta rauða spjaldið og einn leikmaður Breiðabliks.  Í framlengingu komst Breiðablik yfir 4-3 en aftur jafnaði ÍBV þannig að grípa varð til vítaspyrnukeppni.  Breiðablik hafði sigur í bráðabana.  Í framlengingunni og í vítaspyrnukeppninni var verið að setja Shellmótið þannig að þessir viðburðir fóru fram við listflug og flugeldasýningu svo ekki var hægt að tala manna á milli.

Í ár verður vonandi hægt að tímastýra hlutunum þannig að allt fari vel fram.

 

ÁFRAM ÍBV.