Nú um helgina er lokahelgi yngri flokka í handbolta. Í Vestmannaeyjum fer fram mót í 6. flokki karla á föstudag og laugardag. 5. flokkur kvenna eldra ár keppir í Garðabænum um helgina og eru þær í mjög góðri stöðu, efstar fyrir túrneringuna og geta um helgina tryggt sér Íslandsmeistaratitilinn. 4. flokkur karla yngra árið leikur til úrslita um Íslandsmeistaratitilinn gegn HK í Hertz höllinni á Seltjarnarnesi sá leikur fer fram klukkan 11:00 á laugardagsmorgun (ath. breyttur leiktími!). Annars hafa yngri flokkarnir verið að standa sig ansi vel í handboltanum í vetur. 6. flokkur kvenna yngra árið stóð sig frábærlega unnu síðustu túrneringuna um síðustu helgi og enduðu í 2. sæti Íslandsmótsins.