Símamót Breiðabliks var haldið um helgina.  Frá ÍBV fóru alls 75 stúlkur ásamt þjálfurum og fararstjórum. ÍBV sendi 5-6.og 7.flokk á mótið.   ÍBV náði mjög góðum árangri á mótinu og til að mynda sigraði 6.flokkur B-lið mótið.  6.flokkur A-lið lenti í 3.sæti og 7.flokkur A-lið tapaði úrslitaleiknum gegn Stjörnunni 1-0.  5.flokkur félagsins náði ekki að blanda sér í hóp þeirra bestu en gera það sannarlega í framtíðinni.  Þá var háður leikur milli Landsliðs og Pressuliðs.  Þjálfarar liðanna tilnefna leikmenn annara liða í leikinn.  Elísa Björnsdóttir var valin frá ÍBV sem verður að teljast frábær árangur hjá henni þar sem hún er á yngra ári.

Í umsögn þjálfara stúlknana þá voru þær ÍBV til mikils sóma jafnt innan vallar sem utan.  Þá eiga foreldrar stúlknana hrós skilið fyrir að hvetja lið sín á jákvæðan og uppbyggilegan hátt.

Semsagt flottar fótboltastúlkur og frábærir foreldrar.

 

ÍBV óskar stúlkunum innilega til hamingju með þennan góða árangur.

 

Áfram ÍBV