ÍBV vann góðan sigur í gær á KR-velli er þær lögðu heimastúlkur af velli 2-0.  ÍBV stjórnaði leiknum frá upphafi en góð barátta heimastúlkna gerði ÍBV oft erfitt fyrir.  ÍBV skapaði sér þó nokkuð af góðum færum en inn vildi boltinn ekki nema á 16.mínútu er Shaneka lagði boltann fyrir Dönku sem skorðai af öryggi eftir góða sókn.  Staðan í hálfleik var því 1-0.  Í seinni hálfleik var einstefna að marki KR en leikmenn ÍBV létu leiða sig of oft í rangstöðugildru KR inga.  Shaneka Gordon skoraði svo seinna mark ÍBV á 68.mínútu með stórglæsilegu skoti af 30.m færi.

Eftir leikinn í gær komst ÍBV í 3.sæti deildarinnar einu stigi á eftir Stjörnunni og þremur stigum á eftir Þór/KA.

Næsti leikur er gegn Val næsta þriðjudag að Hlíðarenda.

Eyjamenn fjölmennum á völlinn og hvetjum stúlkurnar til sigurs.

 

ÁFRAM ÍBV.