ÍBV Íþróttafélag og Flugfélagið Ernir halda samstarfi áfram
01.mar.2012 09:23
Í síðustu viku var undirritaður samningur milli ÍBV Íþróttafélags og Flugfélagsins Ernis. Félögin hafa átt í góðu samstarfi síðastliðið ár og því lá beint við að framlengja samstarfssamninginn.
Flugfélagið Ernir hóf áætlunarflug til Vestmannaeyja í ágúst 2010 og hefur Ernir kappkostað það að þjónusta Vestmannaeyjar sem best með miklum sveigjanleika. ÍBV Íþróttafélag er stærsti einstaki aðilinn í ferðaþjónustu í Vestmannaeyjum og reiknað er með að á árinu 2012 komi á fimmta tug þúsunda gesta til Eyja, eingöngu í tengslum við viðburði á vegum félagsins.
Það er því mjög mikilvægt fyrir ÍBV Íþróttafélag að eiga gott samstarf við þá aðila sem stýra samgöngum milli Lands og Eyja. ÍBV Íþróttafélag er afar stolt af þessum samningi og því góða samstarfi sem undangengið ár hefur leitt af sér.
