ÍBV íþróttafélag og Flugfélagið Ernir semja
17.maí.2011 09:59
Í síðustu viku var undirritaður samningur milli ÍBV íþróttafélags og Flugfélagsins Ernis. Samningurinn nær til allra deilda félagsins. Með þessum samningi verður Flugfélagið Ernir einn af stærstu styrktaraðilum ÍBV íþróttafélags.
Flugfélagið Ernir hóf áætlunarflug til Vestmannaeyja í ágúst í fyrra og hafa viðtökurnar verið góðar. ÍBV íþróttafélag er stærsti einstaki aðilinn í ferðaþjónustu í Vestmannaeyjum og reiknað er með að á árinu 2011 komi á fjórða tug þúsunda gesta til Eyja, eingöngu í tengslum við viðburði á vegum félagsins.
Flugfélagið Ernir hóf áætlunarflug til Vestmannaeyja í ágúst í fyrra og hafa viðtökurnar verið góðar. ÍBV íþróttafélag er stærsti einstaki aðilinn í ferðaþjónustu í Vestmannaeyjum og reiknað er með að á árinu 2011 komi á fjórða tug þúsunda gesta til Eyja, eingöngu í tengslum við viðburði á vegum félagsins.
Það er því mjög mikilvægt fyrir ÍBV íþróttafélag að eiga gott samstarf við þá aðila sem stýra samgöngum milli Lands og Eyja. ÍBV íþróttafélag er afar stolt af þessum samningi og vonar að hann marki upphaf á löngu og farsælu samstarfi við Flugfélagið Erni og báðir aðilar hafi hag af samstarfinu.
