Stórsigur hjá stelpunum.
21.ágú.2010 17:07Fótboltastelpurnar unnu stórsigur á Selfyssingum í dag 6-0 í úrslitaleik um efsta sæti riðilsins. Það er því ljóst að IBV mun mæta Keflavík í umspili um sæti í efstu deild. Staðan í hálfleik í dag var 3-0 með mörkum frá Kristínu Ernu 2. og Edda María gerði 1. Í seinni hálfleik fullkomnaði Kristín þrennu sína með glæsilegu marki, Edda gerði sitt annað mark í leiknum og Elísa skoraði með skalla eftir hornspyrnu.
Fyrri leikurinn í umspilinu fer fram í Keflavík næsta laugardag kl. 14.00. Það væri gaman að sem flestir sæju sér fært að nota bættar samgöngur og fjölmenna á leikinn í Keflavík.
Mætum í Keflavík og styðjum stelpurnar til sigurs.
