Árni Stefánsson ráðinn til ÍBV
09.júl.2010 21:15
Hin kunni handknattleiksþjálfari, Árni Stefánsson, hefur verið ráðinn þjálfari yngri flokka ÍBV í handbolta.
Árni mun auk þess starfa við Íþróttaakademíu ÍBV og Framhaldsskólans sem mun verða sett á laggirnar í vetur.
Árni hefur starfað við þjálfun í mörg ár, lengst hjá KA. Starfaði meðal annars með Alfreði Gíslasyni. Hann hefur leikið í meistaraflokki bæði í handbolta og fótbolta með KA. Síðast þjálfaði Árni yngri flokka FH ásamt Guðfinni Kristmannssyni.
Það er mikill fengur fyrir ÍBV að fá Árna til starfa og bjóðum við hann og Unni velkomin til Eyja.
