Allt á áætlun hjá ÍBV í sumar
22.maí.2010 13:29
Nú er farið að styttast í Pæjumót TM og Shellmótið hjá ÍBV og undirbúningur mótsnefndana að ná hámarki. Grasvellirnir í Eyjum hafa aldrei litið betur út og virkaði askan sem kom til okkar um síðustu helgi sem góður áburður á vellina. Pæjumótið verður sett þann 10. júní og Shellmótið verður sett hálfum mánuði síðar eða þann 24. júní.
ÍBV hlakkar til að fá alla þá gesti til sín nú í sumar og mun halda áfram að veita sem besta þjónustu hér eftir eins og hingað til.
Þessar myndir voru teknar í blíðuni í gær, föstudag þegar vallarstarfsmenn voru að undirbúa fyrsta leik sumarsins á Hásteinsvelli.
