Yngri flokkar - Felix Örn á leið til Hollands.
25.mar.2015 09:10Knattspyrnukappinn Felix Örn Friðriksson er á leið til Hollands í boði AZ Alkmar í gegnum umboðsskrifstofuna Total Football. Felix Örn fer ásamt tveimur öðrum leikmönnum en annar þeirra er Guðmundur Andri sonur Tryggva Guðmundssonar. Peyjarnir fara til Hollands á sunnudag og munu dvelja þar í 10 daga. Þeir munu æfa 2x á dag flesta daga ásamt því að leika æfingaleik með liðinu. Einnig munu þeir fá að berja augum aðallið félagsins sem leikur í Hollensku úrvalsdeildinni og er sem stendur í 4.sæti. Með liðinu leikur Íslendingurinn Aron Jóhannsson.
ÍBV óskar Felix Erni til hamingju með þennan frábæra árangur.
