Yngri flokkar - Frábær frammistaða hjá ÍBV um helgina.
28.nóv.2011 09:07
Leikmenn ÍBV í 5.flokki drengja og stúlkna stóðu sig frábærlega um helgina þegar ÍBV stóð fyrir Pepsí mótinu í handbolta.
A-lið drengjana gerði sér lítið fyrir og sigraði efstu deild sem gefur þeim 10 stig til íslandsmeistaratitils. ÍBV drengirnir eru í 2.sæti á eftir FH en aðeins munar 2.stigum á milli liðana. 3.mót eru eftir þannig að drengirnir eiga mikla möguleika á sigri.
B-lið drengjana átti möguleika á að vinna 3.deild B. Þeir sigruðu 2 leiki en töpuðu 2 þeir töpuðu naumlega fyrir FH í lokaleik deildarinna sem skar úr um hvort liðið sigraði deildina.
Stúlkurnar stóðu sig einnig frábærlega. Þær sigruðu 3.deild B með glæsibrag. Stúlkurnar munu því leika í 2.deild á næsta móti þar sem þær munu gera harða atlögu að sæti í efstu deild.
ÍBV óskar þessum efnilegu handboltakrökkum innilega til hamingju með þennan frábæra árangur.
