ÍBV Íþróttafélag

Mikilvægasti leikur tímabilsins er framundan, þó svo að það sé rúm vika í að hann fari fram er vel þess virði að minnast á hann.

 

FH-ingar koma í heimsókn, held að það séu engar ýkjur þegar sagt er að þetta sé stærsti klúbbur Íslands. Þeir virkuðu ansi sannfærandi í grannaslagnum síðastliðinn sunnudag og það hefur verið stígandi í leik þeirra, þannig það er alveg á hreinu að þetta verður rosalegur leikur.

ÍBV sigraði í dag liðsmenn Vals. Fyrri hálfleikurinn var mjög lélegur, ÍBV liðið náði ekki að spila boltann á milli síni í miklum mótvind. Valsmenn spiluðu mun betur en ÍBV og nýttu þeir aukspyrnu sem þeir fengu og komu sér í 0-1 stöðu þegar rúmlega 9 mínútur voru liðnar af leiknum.

 

Sunnudaginn næstkomandi koma Valsarar í heimsókn á Hásteinsvöll. Síðasta viðureign þessara liða endaði með jafntefli 1-1 á Vodafone vellinum þar sem okkar menn voru manni færri lungan af leiknum og tala margir um að sú frammistaða hafa kveikt neistan í liðinu.

Eftir þann leik þá hafa Eyjamenn aldrei litið til baka á meðan Valsmenn hafa átt í erfiðleikum með að landa sigri í síðustu leikjum, þrátt fyrir það eru Valsmenn með virkilega gott lið og þurfa peyjarnir að eiga toppleik ef þeir ætla að fá eitthvað út úr leiknum.

 

Leikurinn hefst 16:00 og hvetjum við fólk til að fjölmenna á völlinn enda síðasti leikur fyrir þjóðhátíð